माओवादी नेता पुन र चिनियाँ उपमन्त्री झाओबीच भेटवार्ता

काठमाडौं, १३ पुस 

नेकपा माओवादीका नेता वर्षमान पुनले चिनियाँ उपमन्त्री चेन झाओसँग भेटवार्ता गरेका छन् । उपचारका क्रममा चीनमा रहेका उनले उपमन्त्री झाओ नेतृत्वको टोलीसँग भेटवार्ता गरेका हुन् ।

झाओको टोलीसँग पुनको भेटवार्ता हुँदा पुनकी पत्नी तथा पूर्वसभामुख ओनसरी घर्ती पनि सहभागी थिइन् ।

काठमाडौंमा पार्टीको आठौँ महाधिवेशन चलिरहेका बेला पुन र चिनियाँ उपमन्त्री झाओबीच भेटवार्ता भएको हो । स्वास्थ्यका कारण देखाउँदै महाधिवेशनमा सहभागी नभएका पुनले झाओ नेतृत्व टोलसँग भेटवार्ता गरेका हुन् ।

सो भेटवार्तामा के विषयमा कुराकानी भएको हो भन्ने विषयमा केही खुलाइएको छैन ।