नेत्रावती डबजोङ गाउँपालिकाको वडा नम्ब ५ बाट ३० जना जसपामा प्रवेश

धादिङ १२
नेत्रावती डबजोङ गाउँपालिका वडा नम्बर ५ बाट विभिन्न पार्टी परित्याग गरी ३० जना जसपामा प्रवेश गरेका छन् ।वडा नम्बर ५ को वडा भेलाको अवसर पारेर ३० जना जसपा प्रवेश गरेका जसपा नेपालका सह–सचिव तथा प्रवक्ता अर्जुन सापकोटाले जानकारी दिनुभयो ।
अबको विकासको लागि जसपानैै उत्तम पार्टी भएको भन्दै वडा नम्बर ५ का ३० जना जसपामा प्रवेश गरेका सापकोटाले बताउनुभयो ।

उक्त भेलाले सन्त बहादुर तामाङ अध्यक्ष र रेशम बिश्वकर्मा सचिव रहने गरी २३ सदस्यीय वडा समिति समेत गठन गरेको छ । नेत्रावती डबजोङ गाउँपालिका जसपा अध्यक्ष जित बहादुर बि.कको अध्यक्षतामा सम्पन्न भएको कार्यक्रममा जिल्ला अध्यक्ष राम ढकालको प्रमुख आतिथ्य र जसपा जिल्ला सह–सचिव अर्जुन सापकोटाको विशेष आतिथ्यता रहेको थियो ।