गल्छी,भिमढुंगा,सितापाईला सडकलाई बाईपास रोड बनाउन पहल गर्नेछु: मुख्यमन्त्री पाण्डे

धादिङ ११ पुस
बागमती प्रदेशका मुख्यमन्त्री तथा एकिकृत समाजवादी पार्टीका उपाध्यक्ष राजेन्द्र प्रसाद पाण्डेले गल्छी,भिमढुंगा,सितापाईला सडकलाई बाईपास रोड बनाउन पहल गर्ने बताउनु भएको छ।जर्मन सरकारले सडक बनाउछु भनेर पछि हटेको भन्दै पाण्डेले आफुले कुनैन कुनै उपायबाट रकम बिनियोजित गरेर कामलाई निरन्तरता दिएको स्पष्ट पार्नुभएको छ।एकिकृत समाजवादी पार्टी गल्छी गाउँपालिका वडा नम्बर ८ को भेलालाई चुलीमा सम्बोधन गर्दै मन्त्री पाण्डेले उक्त कुरा बताउनु भएको हो।

सितापाईलाबाट पिच गर्ने काम सुरु भएको भन्दै पाण्डेले अहिले उक्त सडक पिचको लागि ३५ करोडको ठेक्का लागेको बताउनुभएको छ। ३५ करोडको ठेक्काबाट ठुलोखोला सम्म पिच गर्ने कार्य सम्पन्न हुने भन्दै उहाँले उक्त सडको जन्मदाता आफु  भएको बताउनुभयो।आफुले जन्म दिएको सडकलाई उच्च प्राथमिकतामा राखेको भन्दै पाण्डले पृथ्वीराजमार्ग अवरोध हुँदा चारपाङ्ग्रे सवारीको साधन यसै सडकबाट गुड्न मिल्ने बाईपास रोड बनाउन पहल गर्ने बताउनु भएको छ।

बाह्रै महिना सवारीका साधन चल्ने गरी सडकलाई स्तरउन्नती बनाउनको लागि पहल गर्ने भन्दै पाण्डेले सडक विभागका महानिर्देशकसँग आजभोलीमै कुरा गरेर पक्रिया अघि बढाउने बताउनुभयो।खयरघारीमा मोटरेवलपुलको लागि बजेट बिनियोजन भएर पनि काम भईरहेको भन्दै उहाँले लामिडाँडाको सडक,खानेपानी,शिक्षा र स्वास्थ्यको लागि आफुले सक्दो सहयोग गर्ने बताउनुभयो ।तपाईहरु काम गर्न तयार हुनुहुन्छ भने आफु योजना दिन तयार रहेको भन्दै पाण्डेले लिखितम रुपमा माग लिएर आफुलाई भेट्न आउनकोे लागि पनि आग्रह गर्नुभएको छ। कार्यक्रमका विशेष अतिथी समेत रहनुभएका गल्छी गाउँपालिकाका अध्यक्ष कृष्णहरी श्रेष्ठले वडा नम्बर ८ को विकासको लागि आफुले सक्दो सहयोग गर्ने बताउनुभयो ।

चुलीगाउँ,सिम्पानी,दलितबस्ती,डाँडागाउँको खानेपानीको लागि आफुले यसै आर्थिक बर्षभित्र बेजट बिनियोजन गरेर काम गर्ने बताउनुभयो ।वडा नम्बर ८ लाई उच्च प्राथमिकतामा राखेर बजेट बिनियोजन गरेपनि वडा अध्यक्ष लगायतका व्यक्तिहरुले यस क्षेत्रलाई उपेक्षा गर्ने गरेको बताउनुभयो । पालिकाबाट बिनियोजन गरेको रकम पनि धेरै हुने र बजेट नचाहिने भनेर वडा अध्यक्षले भन्ने गरेको प्रति आफुलाई दुख लागेको बताउनुभयो ।खानेपानीको चरम समस्या झेल्दै आएका चुली,नेपालथोक,टारगाउँ र लुमेथुक्काको लागि खानेपानीको लागि ट्याङकी निमार्ण भएसँगै त्यस क्षेत्रका नागरिकहरु खुसि भएका छन्।गाउँपालिकाका अध्यक्ष कृष्णहरी श्रेष्ठले चुलीमा एक घर एक धारो अनुसार नै खानेपानी खुवाउने प्रतिबद्धता जनाउनुभएको छ । साथै नयाँगाउँ,डाँडागाउँ र गोगनपानीको दलित गाउँमा पनि खानेपानी खुवाएर छाड्ने बताउनु भएको छ ।
भेलाले सुनिल तामाङको अध्यक्षतामा २८ सदस्यीय वडा नम्बर ८ को वडा कमिटि गठन गरिएको छ।नवगठित कमिटिको उपाध्यक्षमा पुरुषोत्तम तामाङ,उपाध्यक्षमा सोम बहादुर तामाङ,सचिवमा सुनिता नेपाल,उप–सचिवमा नमराज लामा,उप–सचिवमा शुसिला पण्डित र उप सचिवमा राजकुमार थापा निर्वाचित हुनुभएको छ । यसैगरी मणिकुमार तामाङको अध्यक्षमा २४ सदस्यीय युवा संघ कमिटिको पनि गठन गरिएको छ।