सुरक्षित बैदेशिक रोजगारको लागि जनचेतना फैलाउदै नीलकण्ठ नगरपालिका

धादिङ ११ पुस
बैदेशिक रोजगारलाई सुरक्षित,भरपर्दो र मर्यादित बनाउने उदेश्यले नीलकण्ठ नगरपालिकाको दामगाडेमा समुदाय अभिमुखीकरण कार्यक्रम सम्पन्न भएको छ ।बैदेशिक रोजगारमा नबुझिजाँदा विभिन्न समस्याहरु पर्ने गरेको कारण बैदेशिक रोजगारमा जानुपुर्व अपनाउनुपर्ने प्रक्रियाको बारेमा टोलटोलमा गएर कार्यक्रम गर्ने गरिएको सामी परियोजना कार्यक्रम संयोजक दिनेश दुवाडीले जानकारी दिनुभयो ।लहैलहैमा,नजिकको व्यक्तिको विश्वासमा पर्दा,सही सुचना र सीप नसिकी विदेश जाँदा धेरै व्यक्तिहरु समस्यामा पर्ने गरेको कारण समुदायमानै गएर सुचना प्रवाह गर्ने गरीएको दुवाडीले बताउनुभयो ।

कार्यक्रममा सुचना तथा परामर्शकर्ता विनोद ढकालले बैदेशिक रोजगारीको शिलशिलामा ठगिएकाहरुलाई निशुल्क कानुनी सेवाको लागि सहजीकरण, बैदेशिक रोजगारीमा रहँदा अंगभंग भएका, मृत्यु भएकाहरुलाई क्षतिपुर्तिको लागि सहजिकरण,निशुल्क सिपको लागि सिफारीस,बैदेशिक रोजगारको क्रममा भएको ठगिमामा सहजिकरण गर्ने लगायतको विषयमा जानकारी गराउनु भएको थियो ।

कार्यक्रममा विभिन्न चित्र मार्फत सुचना तथा परमर्श केन्द्रले गर्ने काम, वैदेशिक रोजगारमा जादा सहि सुचना र सीपको महत्व, कागजपत्रको सुरक्षा र त्यसको महत्व ,घरेलु कामदारको रुपमा वैदेशिक रोजगारीमा जादा विचार पु¥याउनुपर्ने कुराहरु,विना भरपाई पैसा र पासपोर्ट दिदा गर्नुपर्ने भरपाईको विषयमा जानकारी गराउनु भएको थियो ।

यसैगरी वित्तिय सहजकर्ता रचना लम्सालले वित्तिय साक्षरता तथा मनोसामाजिक परामर्श कक्षा को महत्व,सहभागी छनौट लगायत २४ हप्ता सम्म गरिने क्रियाकलापका विषयमा सहजिकरण गर्नुभएका थियो । कार्यक्रममा रिटर्नी स्वंयम सेवक कमला कोईराला र रिना परियाले बैदेशिक रोजागमा आफुले भोगेको भोगाई र जानुपुर्व र गईसकेपछि अपनाउनुपर्ने प्रक्रियाको बारेमा जानकारी गराउनु भएको थियो ।