रुवीभ्याली–४ बोराङका सुक बहादुर तामाङ मृत अवस्थामा फेला

धादिङ,१२ बैशाख ।
धादिङको रुवीभ्याली गाउँपालिका–४ बोराङका ५० वर्षीय सुक बहादुर तामाङ मृत अवस्थामा फेला परेका छन् । उनी नीलकण्ठ नगरपालिका–४ रायटार प्लटिङ क्षेत्रको नालीमा मृत अवस्थामा भेटिएको जिल्ला प्रहरी कार्यालय धादिङका प्रहरी नायव उपरीक्षक सुवास हमालले जानकारी दिनुभयो ।

तामाङको शव प्लटिङ क्षेत्रबाट आँपखोलातर्फ जाने सडकको नालीमा लडेको अवस्थामा फेला परेको हो । मृतकको परिवार केही समयदेखि उक्त प्लटिङ क्षेत्रनजिकै बस्दै आएको बताइएको छ ।

स्थानीयहरुले दिएको जानकारी अनुसार, तामाङ भेटिएको स्थानमा हिजो राति युवाहरुबीच होहल्ला र सामान्य झगडा भएको थियो।

हाल घटनास्थललाई प्रहरीद्वारा शिल गरेर थप अनुसन्धान भइरहेको छ । शव उठाइसकिएको र मृत्युको कारण खुलाउन थप अनुसन्धान गरिरहेकोे प्रहरीले जनाएको छ ।

तस्विर : नेपाल पथ