धादिङ अस्पतालमा शनिबार २१५ जनाले बिशेषज्ञ सेवा लिए

धादिङबेशी । धादिङ अस्पतालमा हरेक महिनाको दोस्रो शनिबार हुने बिशेषज्ञ सेवा अन्तरर्गत आज २१५ जनाले बिशेषज्ञ सेवा लिएका छन् ।
आज महिनाको दोस्रो शनिबार ट्रोपिकल तथा सरुवारोग अस्पतालमा कार्यरत डा.अमृता श्रेष्ठबाट छालारोग सम्बन्धी समस्या भएका ६८ जना बिरामीले जाँच गराएका थिए ।

वरिष्ठ नाक कान घाटी रोग बिशेषज्ञ डा. सुजन प्रधानबाट नाक कान घाटी सम्बन्धी समस्या भएका ८३ बिरामीले धादिङ अस्पतालमा नै आज सेवा लिएका थिए ।

त्यसैगरी मानसिक तथा नशा रोग सम्बन्धी बरिष्ठ नशा तथा मानसिक रोग बिशेषज्ञ डा. नविन लेखकबाट ६४ जना बिरामीले सेवा लिएको धादिङ अस्पतालका निमित्त अस्पताल निर्देशक गगन अधिकारीले  जानकारी दिनुभयो ।

धादिङ अस्पतालले पुस १३ गते देखि हरेक महिनाको दोस्रो शनिबार बिशेषज्ञ सेवा संचालन गर्दै आईरहेकोे छ ।