नीलकण्ठ –७ मा गृहणी महिलाहरुकोलागी अभिमुखिकरण तथा अन्तरक्रिया

धादिङबेशी । धादिङको नीलकण्ठ नगरपालिका वडा नम्बर ७ मा गृहणी महिलाहरुको लागी अभिमुखीकरण तथा अन्तरक्रिया कार्यक्रम सम्पन्न भएको छ ।

नीलकण्ठ नगरपालिकाको आयोजनामा मंगलबार नीलकण्ठ नगरपालिकाको आयोजनामा गृहणी महिलाहरूको लागि अभिमुखीकरण तथा अन्तरक्रिया कार्यक्रम गरिएको हो ।

उद्यमशीलता तालिम नीलकण्ठ नगरपालिका र बागमती प्रदेश सरकारको संयुक्त साझेदारीमा भएको हो । तालिम कम्तिमा १५ दिनदेखि तीन महिनासम्मको हुने, र ३ महिना तालिम पूर्ण गरिसकेपछि सिप परीक्षामा पठाई त्यसपछि महिलाहरूलाई गृहणी महिलाहरुलाई उद्यमशीलतासँग जोड्ने नगरपालिकाको योजना रहेको छ । उद्यमशीलता कार्यक्रमबाट उत्पादित वस्तु तथा सेवाहरूलाई बिक्री वितरणको लागि नगरपालिकाले सघाउने समेत बताइएको छ ।

कार्यक्रममा नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदी र नगरपालिकाका उपप्रमुख दिपक विश्वकर्मा सहित अन्य व्यक्तित्वहरूको उपस्थिति रहेको थियो ।