गंगाजमुना–५ मा सिकाइ प्रक्रिया प्रभावकारी बनाउन सामुदायिक विद्यालयलाई स्मार्ट टिभी वितरण

धादिङबेशी । धादिङको गङ्गाजमुना गाउँपालिका वडा नम्बर ५ ले आफ्नै क्षेत्रभित्र रहेका १० वटा सामुदायिक विद्यालयलाई स्मार्ट टिभी तथा शैक्षिक सामग्री वितरण गरेको छ ।

वडा अध्यक्ष कुमार अधिकारीका अनुसार विद्यार्थीहरूको सिकाइ प्रक्रिया प्रभावकारी बनाउने उद्देश्यले आधुनिक प्रविधिको प्रयोगलाई प्रोत्साहन गर्न यो कार्यक्रम सञ्चालन गरिएको हो । स्मार्ट टिभी र शैक्षिक सामग्रीको उपलब्धताले विद्यार्थीहरूको शिक्षामा प्रविधिको सहज पहुँच सुनिश्चित गर्ने विश्वास लिइएको छ ।

विद्यालयमा डिजिटल माध्यमको प्रयोगले शिक्षण सिकाइ प्रक्रियालाई सहज बनाउनुका साथै विद्यार्थीहरूलाई प्रविधिसँग जोड्ने अवसर प्रदान गर्ने अपेक्षा गरिएको छ । साथै, आगामी दिनमा शिक्षाको गुणस्तर अभिवृद्धि गर्न यस्ता कार्यक्रमलाई निरन्तरता दिने वडा कार्यालयको योजना रहेको वडा अध्यक्ष अधिकारीको भनाई छ ।