ग्याँस बोकेको बुलेट त्रिशूली नदीमा खस्यो

धादिङ, २३ मंसिर ।
पृथ्वी राजमार्ग अन्तर्गत धादिङको बेनिघाट रोराङ गाउँपालिका-७ कृष्णभीरबाट ग्याँस बोकेको बुलेट त्रिशूली नदीमा खसेको छ । चितवनबाट काठमाडौतर्फ आउदै गरेको एनएल ०२ एल ३९०७ नम्बरको ग्याँस बोकेको भारतीय गाडीको पछाडिको भाग त्रिशूली नदीमा खसेको हो । ग्याँस बुलेट बगाएर ५० मिटर परसम्म पुगेको छ।

घटनास्थलमा प्रहरी पुगिसकेको धादिङका प्रमुख जिल्ला अधिकारी सुमन घिमिरेले बताउनु भयो । घटनाबारे थप विवरण आउन बाँकी छ ।