महिला मानवअधिकार रक्षकहरुको जिल्ला संजाल धादिङको अध्यक्षमा खिल कुमारी तिवारी

धादिङ, ११ मंसिर ।
महिला मानवअधिकार रक्षकहरुको जिल्ला संजाल धादिङको अध्यक्षमा खिल कुमारी तिवारी चयन हुनुभएको छ । सोमबार सम्पन्न दशौं साधारणसभा तथा पाँचौ अधिवेशनले खिल कुमारी तिवारीको अध्यक्षतामा १३ सदस्यीय नयाँ कार्यसमिति चयन भएको हो ।

नव गठित कार्यसमितिको उपाध्यक्षमा दुर्गा अधिकारी, सचीवमा ज्ञानु कँडेल, सहसचिवमा रबिना पौडेल, कोषाध्यक्षमा शुसिला भण्डारी चयन हुनु भएको छ । त्यसैगरी सदस्यहरुमा भगवती अर्याल, शान्ता रुपाखेती, उर्मिला श्रेष्ठ, राधिका सापकोटा, हरिमाया शाही, आरती शाह, सीता रिजाल ( अपंगता क्षेत्र), स्नेहा श्रेष्ठ ( युवाको क्षेत्र) रहनुभएको छ ।

महिला मानवअधिकार रक्षकहरुको जिल्ला संजालका अध्यक्ष गायत्री खतिवडाको अध्यक्षता र महिला मानवअधिकार रक्षकहरुको राष्ट्रिय संजालको पुर्व महासचिव राधिका सापकोटाको प्रमुख आतिथ्यतामा कार्यक्रम सम्पन्न भएको हो । कार्यक्रममा जिल्लाभर बाट नै प्रतिनिधित्व गरि आएका महिला मानवअधिकार रक्षकहरुको सहभागिता रहेको थियो ।