पत्रकार नारायण सिलवाल फोटो पत्रकारको केन्द्रीय उपाध्यक्षमा निर्वाचित

धादिङबेशी । धादिङ जिल्लाका क्रियाशिल पत्रकार नारायण सिलवाल राष्ट्रिय फोटो पत्रकार समूहको केन्द्रिय उपाध्यक्षमा निर्वाचित हुनु भएको छ ।

यहि कार्तिक २४ गते काठमाडौमा सम्पन्न २७ औं साधारण सभा तथा १३ औं अधिबेशनबाट उहाँ केन्द्रिय उपाध्यक्षमा निर्वाचित हुनु भएको हो ।२०६१ सालमा आँखु सन्देशबाट पत्रकारिता सुरु गरेका सिलवालले २०६४–०६९ सम्म जनमुक्तिमार्ग साप्ताहिक, २०६५–०६६ गोरखापत्र दैनिक, २०६६–०७३ रेडियो बिहानी र २०७३ देखि धादिङपोष्टको प्रधान सम्पादकका रुपमा कार्यरत हुनुहुन्छ ।

२०७३ मा राष्ट्रिय फोटो पत्रकार समूहको सदस्यका लिनुभएका उहाँले २०७४ सालमा फोटो पत्रकार संघ धादिङको अध्यक्ष बन्नु भयो।
०७६ साल भदौमा राष्ट्रिय फोटो पत्रकार समूह बागमती प्रदेशको अध्यक्ष बन्नु भएका सिलवाल ०७८ र २०८० मा पुन बागमती प्रदेशको  अध्यक्ष भई काम गरिसक्नु भएको छ । हाल प्रदेशको कार्यकाल नसकिँदै केन्द्रिय अधिबेशनबाट केन्द्रिय उपाध्यक्ष निर्वाचित हुनु भएको हो  ।

राष्ट्रिय फोटो पत्रकार समूह अधिबेशनबाट केन्द्रिय अध्यक्षमा पुन: प्रदिपराज वन्त, वरिष्ठ उपाध्यक्षमा लेखबहादुर श्रेष्ठ (सागर), महिला उपाध्यक्षमा चन्द्रकला क्षेत्री (भगवती), उपाध्यक्षद्वय नारायण सिलवाल र सुनील शर्मा, महासचिवमा घनश्याम श्रेष्ठ, सचिवमा प्रविन कुलुङ राई र कोषाध्यक्षमा प्रदीप श्रेष्ठ चयन हुनु भएको छ ।

केन्द्रीय सदस्यमा सुशील कुमार श्रेष्ठ, मुकुन्द कालीकोटे, रमिता छुँजु, हरिश सिंह नगाल, दिपेन्द्र महर्जन, अनुप प्रधान र सागर बस्नेत चयन हुनु भएको छ ।