धादिङको ऐतिहासिक गंगाजमुना माई मेला यही कात्तिक २६ गते

धादिङ, २० कात्तिक ।
धादिङको पर्यटकिय तथा धार्मिक गन्तव्य ऐतिहासिक गंगाजमुना माई मेला यही कात्र्तिक २६ गते लाग्ने भएको छ ।

हरिबोधनी एकादशीको अवसरमा आयोजना गरिएको मेलालाई भव्य र सभ्य रूपमा सम्पन्न गर्नका लागि आवश्यक तयारीको कार्य अघि बढाइएको गाउँपालिकाका प्रवक्ता तथा वडा नं ५ का अध्यक्ष कुमार बहादुर अधिकारीले जानकारी दिनुभयो । गाउँपालिकाले यस मेलालाई सफल बनाउन विभिन्न कार्यक्रम र व्यवस्थापनका कामहरू तयारी गरेको उहाँको भनाइ छ।
मेलाको अवसरमा विभिन्न सांस्कृतिक कार्यक्रम हुने, झाँक्रि नाँच प्रर्दशनी लगायत बिभिन्न राष्ट्रिय, अतराष्ट्रिय तथा स्थानिय कलाकारहरुको प्रस्तुति रहने प्रवक्ता अधिकारीले बताउनुभयो

गंगाजमुना माईमा पुजा आजा गरेमा आफ्नो मनोकामना पुरा हुने र माई स्थानमा रहेको कुकर धारामा नुहाए पछि रोग ब्याध नलाग्ने धार्मिक बिश्वास रहेको छ । मेलामा फुलको डोली लैजाने, बत्ति बाल्ने, परेवा उडाउने, बत्ति बाली जागाराम बस्ने, झाक्रीहरुले भाकल स्वरुप रातभरी ढ्याग्रो बजायर तपस्या गर्ने र भोली पल्ट नुहाएर एकादशी ब्रत बस्ने चलन छ ।

गंगाजमुना गाउँपालिका भित्र रहेको कला संस्कृति र परम्पराहरुलाई उजार गर्दै प्रवद्र्धन, संरक्षण पुस्तान्तरण गर्ने मेलाको प्रमुख उद्धेश्य रहेको गाउँपालिकाका प्रवक्ता तथा वडा नं ५ का अध्यक्ष अधिकारीले बताउनुभयो ।

मेलाको अवलोकन तथा पुजा आजा गर्न धादिङ, नुवाकोट, गोरखा लगाएत देशका विभिन्न जिल्लाबाट भक्तजनहरुको आउने गर्दछन् । गंगाजमुना गाउँपालिका नामाकरण भएको गंगाजमुना माई स्थान तथा प्रसिद्ध झरनामा बिगत लामो समय देखि मेला तथा सांस्कृतिक कार्यक्रमहरु हुदै आएको छ ।