धादिङमा भ्यान दुर्घटना, ११ जना घाइते

धादिङ, ९ कात्तिक ।
धादिङको थाक्रे गाउँपालिका–६ स्थित १० किलोमा विद्युतीय भ्यान दुर्घटना हुँदा चालकसहित ११ जना घाइते भएका छन् ।

काठमाडौँबाट गोरखाको मनकामनातर्फ जाँदै गरेको बागमती प्रदेश ०१–०३०–च ७६५९ नम्बरको विद्युतीय भ्यान अनियन्त्रित भई सडकबाट तल खसेको जिल्ला प्रहरी कार्यालय धादिङका प्रहरी निरीक्षक प्रल्हाद सिलवालले जानकारी दिए ।

घाइतेहरुमध्ये तीन जनाको अवस्था मध्यम र अन्यको अवस्था सामान्य रहेको उहाँले बताउनुभयो । घाइते सबैको महादेवबँेसी अस्पतालमा उपचार भइरहेको छ । उनीहरु एउटै परिवारको रहेको बताइएको छ ।