धुनिबेशी नगरपालिकाद्धारा ११० कुकुरको बन्ध्याकरण

धादिङ, ०८ कात्तिक ।
धुनिबेशी नगरपालिकाको पशुपन्छी विकास शाखाले ११० कुकुरको बन्ध्याकरण गरेको छ। बुधवार र बिहीवार दुई दिने शिविरमा कुल ११० कुकुरको बन्ध्याकरण गरिएको शाखा प्रमुख टंक कटुवालले जानकारी दिनुभएको छ।

कटुवालका अनुसार बुधवार पहिलो दिन ५८ र बिहीवार ५२ कुकुरको बन्ध्याकरण गरिएको थियो। धुनिवेशी नगरपालिका पशुपन्छी विकास शाखाले सामुदायिक/छाडा कुकुरहरुको संख्या नियन्त्रण गर्ने उद्देश्यले भाले तथा पोथी सामुदायिक/छाडा कुकुरहरुको बन्ध्याकरण गर्ने कार्यक्रम सुरु गरेका हो ।

अब बाँकी कुकुरहरुलाई आवश्यकताको आधारमा अन्य दिनमा बन्ध्याकरण गरिने पशुपन्छी विकास शाखा प्रमुख कटुवालले बताउनुभयो ।