धादिङ,१६ असोज ।
गृह मन्त्रालयले धादिङ र काभ्रेका प्रमुख जिल्ला अधिकारीहरू परिवर्तन गरेको छ। मन्त्रालयका अनुसार सुमन घिमिरेलाई धादिङमा र उमेश ढकाललाई काभ्रेको प्रमुख जिल्ला अधिकारीको रूपमा पठाइएको छ।
यसअघि धादिङका प्रमुख जिल्ला अधिकारी राजेन्द्रदेव पाण्डे र काभ्रेका प्रमुख जिल्ला अधिकारी सूर्य प्रसाद सेढाइँलाई गृह मन्त्रालयमा फिर्ता बोलाइएको छ।
बिहीबारदेखि शनिबारसम्मको वर्षाका कारण गएको बाढीपहिरोमा काठमाडौं उपत्यकापछि सबैभन्दा धेरै क्षति भएका यी दुई जिल्ला हुन्।
सरकारले रेडअलर्ट जारी भएका जिल्लामा रात्रि बस नचलाउने निर्णय गरेपनि काभ्रे र धादिङमा प्रभावकारी कार्यान्वयन हुन नसकेको गृह मन्त्रालयको निष्कर्ष छ। जसकारण मानवीय क्षति पनि धेरै भएको छ।
गृहमन्त्रालयले मनसुन सक्रिय भएको बेला जोखिमको पूर्वसूचना भए पनि प्रशासनले सवारीसाधनको सञ्चालन रोक्न असफल हुँदा ठूलो क्षति भएको निष्कर्ष निकालेको छ।
नौबिसे–नागढुंगा सडक खण्डको झ्याप्ले खोलामा पहिरोले सवारीसाधन पुरिंदा ३५ जनाको मृत्यु भएको छ भने काभ्रेको विभिन्न स्थानमा पहिरोमा परी ५० जनाको ज्यान गएको प्रहरीको तथ्यांक छ।
त्यसैगरी धादिङका प्रमुख जिल्ला अधिकारीको हेरफेरपछि प्रहरी प्रमुख पनि फेरिएका छन् । प्रहरी प्रधान कार्यालयले जिल्ला प्रहरी कार्यालय धादिङको कमान्ड एसपी दिपेन्द्र शाहीलाई दिएको छ । यसअघि धादिङका कार्यरत एसपी गौतम केसीलाई हेडक्वार्टर तानिएको छ ।
धादिङ संचार प्रा.ली. द्धारा संचालित
धादिङ संचार डट कम (dhadingsanchar.com)
नीलकण्ठ नगरपालिका–३ धादिङ
ईमेल: [email protected]
सम्पर्क फोन- ०१०-५२१४३०, ९८५११२०८५०
प्रेस काउन्सिल दर्ता न: २६०३
सूचना विभाग दर्ता नम्बर: ६१ /०७३/०७४
सम्पादक: | बद्री अधिकारी |
कार्यक्रारी सम्पादक: | |
ब्यबस्थापक: | |
कानूनी सल्लाहकार: | |
बजार ब्यबस्थापक: |