सुशासन,पारदर्शिता र जवाफदेहिताको निमित्त नीलकण्ठ नगरपालिकाद्धारा सार्वजनिक सुनुवाई

धादिङबेशी । नीलकण्ठ नगरपालिकाको चालु आर्थिक बर्ष २०८०/०८१ को सार्वजनिक सुनुवाई कार्यक्रम सम्पन्न भएको छ ।  शुक्रबार नीलकण्ठ नगरपालिकाबाट भएको सेवा प्रवाह तथा कार्यक्रम र बजेटका विषयमा सार्वजनिक सुनुवाई कार्यक्रम सम्पन्न भएको हो ।

कार्यक्रममा नगरपालिका बाट प्रवाह भएका सेवा सुविधा निति तथा कार्यक्रम योजना र बजटको बिषयमा नागरिकहरुले प्रश्न, गुनासो र सुझाव दिएका थिए । उठेका प्रश्नहरुलाई नगर प्रमुख भीम प्रसाद ढुंगाना, उप–प्रमुख दिपक बिश्वकर्मा, जिल्ला प्रशासन कार्यालय बाट प्रमुख जिल्ला अधिकारी राजेन्द्रदेव पाण्डे, नगरपालिकाका प्रमुख प्रशाशकीय अधिकृत पुरुषोत्तम सुवेदी र जिल्ला प्रहरी कार्यालय धादिङ प्रमुख प्रमुख गौतम केसीले सवालको जवाफ दिनु भएको थियो ।

प्रश्नको जवाफ दिनुहुदै नीलकण्ठ नगरपालिकाको मेयर भिम प्रसाद ढुङ्गानाले शुशासन पारदर्शिता र जवाफदेहिताको निमित्त आफु सदैव प्रतिवद्ध रहेको बताउँदै सल्लाह सुझावर गुनासो सुन्नकै निमित्त यस किसिमको कार्यक्रम आफुले नियमित गर्दै आएको बताउनुभयो ।

आफुले नगरबासीको शिर झुकाउने काम कहिल्यै नगर्ने भन्दै सम्मृद्ध नगरपालिका निर्माणको लागि आफु प्रतिबद्ध रहेको बताउनुभयो । उहाँले कार्यक्रममा उठेका सकारात्मक सवालहरुलाई आफुले पुर्ण कार्यान्वयन गर्ने प्रतिवद्धता समेत ब्यक्त गर्नु भएको छ ।