नेपाल राष्ट्रिय कर्मचारी महासंघ धादिङको अध्यक्षमा कृष्ण कुमार श्रेष्ठ चयन

धादिङबेशी । नेपाल राष्टिय कर्मचारी महासंघ जिल्ला समिति धादिङको जिल्ला भेला तथा प्रशिक्षण कार्यक्रम सम्पन्न भएको छ । आज नेकपा माओवादी केन्द्रका केन्द्रिय सदस्य तथा धादिङ ईन्चार्ज पुष्पबिक्रम मल्लको प्रमुख आतिथ्यता तथा जिल्ला संयोजक मनराज भण्डारी र पार्टीका कर्मचारी फ्याक्सन ईन्चार्ज नवराज अधिकारीको बिशेष आतिथ्यतामा भेला तथा प्रशिक्षण कार्यक्रम सम्पन्न भएको हो ।

भेलाले कृष्ण कुमार श्रेष्ठको अध्यक्षतामा १५ सदस्यीय नयाँ समिति चयन गरेको छ । आज गठित समितिको उपाध्यक्षमा डा. दिनेश रेग्मी, सचिवमा बिष्णु प्रसाद रिजाल, कोषाध्यक्षमा निर्मला केसी, सह–सचिवमा शुशिला सुवेदी रहेको छ ।

त्यसैगरी सदस्यहरुमा रामचन्द्र रिजाल, रन्जु ढुङ्गाना,यम बहादुर श्रेष्ठ,अर्जुन प्रसाद खतिवडा, मान बहादुर बोहरा, शिवराज श्रेष्ठ, जानुका तिमल्सिना,सीता कोईराला, रुमेश गदाल र योग बहादुर भण्डारी रहेका छन् ।