पत्रकार नारायण सिलवाललाई बिकास पत्रकारिता पुरस्कार

धादिङबेशी । लामो समयदेखी धादिङमा क्रियाशिल पत्रकारिता गर्दै आउनु भएका नारायण सिलवाल पुरस्कृत हुनुभएको छ । शनिवार नीलकण्ठ नगरपालिकाको दोस्रो नगरसभाको पाँचौ अधिवेशनको अवसरमा पारेर पत्रकार सिलवाल पुरस्कृत हुनु भएको हो ।

नगर सभाको अवसरमा नगरप्रमुख भीम प्रसाद ढुंगाना, उप प्रमुख दिपक बिश्वकर्मा र प्रमुख प्रशाशकीय अधिकृत पुरुषोत्तम सुवेदीले सिलवाललाई नगद र प्रमाणपत्रद्वारा आज पुरस्कृत गर्नुभएको हो ।

नीलकण्ठ नगरपालिकाको विकास पत्रकारिता पुरस्कारबाट सिलवाल पुरस्कृत हुनुभएको छ । धादिङपोष्ट डटकमका प्रधानसम्पादक एव राष्ट्रिय फोटो पत्रकार समूह नेपाल बागमती प्रदेशका अध्यक्ष समेत रहनु भएका सिलवाललाई नगद २० हजार ८१ रुपैयाँ नगद सहित नगरपालिकाले पुरस्कृत गरेको हो ।