गणतन्त्र दिवसको अवसरमा शहिद परिवार र जेष्ठ नागरिकहरुलाई सम्मान

धादिङबेशी । नीलकण्ठ नगरपालिकाले गणतन्त्र दिवसको अवसरमा शहिद परिवार र जेष्ठ नागरिकहरुलाई सम्मान गरेको छ ।

नीलकण्ठ नगरपालिकाका नगर उप प्रमुख दिपक विश्वकर्मा र प्रमुख प्रशासकीय अघिकृत पुरुषोत्तम सुवेदीले आज शहिद परिवार र जेष्ठ नागरिकहरुको घरमै गएर दोसल्ला ओढाई पौष्टिक आहार प्रदान गरि सम्मान गर्नुभएको हो ।

आज गणतन्त्र दिवसको अवसर र यसअघि स्थापना दिवसको अवसरमा नगरपालिकामा आउन नसक्ने जेष्ठ नागरिकहरुलाई आज घरमै गएर सम्मान गरिएको थियो । आज नीलकण्ठ नगरपालिका वडा न ३ र ४ का जेष्ठ नागरिकहरुको घरमा नै पुगी नीलकण्ठ नगरपालिकाका उप प्रमुख दिपक बिश्वकर्मा र प्रमुख प्रशाशकीय अधिकृत पुरुषोत्तम सुवेदीले शहिद परिवार तथा जेष्ठ नागरिकहरुलाई भेटघाट तथा सम्मान गर्नु भएको हो ।

कार्यक्रममा नीलकण्ठ नगरपालिकाका बरिष्ठ जनस्वास्थ्य अधिकृत विष्णु रिजाल,कार्यपालिका सदस्य मन्जु राना र महिला विकास निरिक्षक निर्मला केसी लगायतको सहभागिता रहेको थियो । आज नीलकण्ठ नगरपालिका द्वारा सम्मानित हुनेहरुमा नीलकण्ठ नगरपालिका वडा न ३ का भीम बहादुर श्रेष्ठ,राम बहादुर गुरुङ,भक्त कुमारी श्रेष्ठ,सिताराम श्रेष्ठ र नीलकण्ठ वडा न ४ का डिल कुमारी श्रेष्ठ रहनुभएको छ । घरमै गएर सम्मान गरेको भन्दै जेष्ठ नागरिकहरु खुसी भएका छन् ।