बुढाथुममा एकिकृत घुम्ती शिविर

धादिङ,५ जेठ
धादिङको गंगाजमुना गाउँपालिका वडा नम्बर ७ बुढाथुममा शुक्रबार एकिकृत घुम्ती शिविर सम्पन्न भएको छ । नागरिकहरुलाई पालिकाबाट प्रवाह हुने सेवा गाउँटोलमा सेवा दिईने उदेश्यले घुम्ती शिविर आयोजना गरिएको गंगाजमुना गाउँपालिकाले जनाएको छ । शिविरमा कृषि तर्फ माटो परीक्षण र अन्य परामर्श सेवा प्रदान गरिएको छ । पशु सेवा तर्फ गोबर परीक्षण, बोका बन्ध्याकरण र चेकजाँचको साथै आवश्यकतानुसार औषधी वितरण गरिएको गाउँपालिकाले जनाएको छ।

शिविरमा व्यवसाय दर्ता (३ वटा ) र नवीकरण (११ वटा ) गरिएको छ भने कृषक समुह ८ वटा दर्ता भएका छन् । शिविरमा सामजिक सुरक्षा तथा पञ्जीकरण सम्बन्धी विभिन्न (जेष्ठ नागरिक कार्ड २४ वटा वितरण गरीएको छ । व्यक्तिगत घट्ना दर्ता, अपाङ्गता परिचय पत्र वितरण) विषयहरूमा परामर्श प्रदान गरिनुको साथै स्वास्थ्य परिक्षण र औषधी वितरण समेत गरीएको छ ।