नेत्रावती डबजोङ गाउँपालिका स्तरीय हस्तलेखन प्रतियोगिता हुँदै

धादिङ, १२ बैशाख ।
धादिङको नेत्रावती डबजोङ गाउँपालिका मापार्कमा चौथो नेत्रावती डबजोङ गाउँपालिका स्तरीय प्रतियोगिता–२०८१ हुने भएको छ । नयाँ बर्ष २०८१ को अबसर पारेर बैशाख १४ गते शुक्रबार निरन्जना माध्यामिक विद्यालयमा प्रीतयोगिता हुने भएको हो ।

मार्पाक सामुदायिक क्लबको आयोजनामा हुने प्रतियोगितामा थला गाउँ समाजको सह–आयोजना, नेत्रावती डबजोङ्ग गाउपालिकाको प्रायोजन, गजकेशर थामे अधिकारी कल्याण समाजको सह–प्रायोजन, निरन्जना मा. बि. को संयोजन तथा वडा नं. १ को कार्यालयको प्राबिधिक सहयोग रहेको छ ।

प्रतियोगिताको प्रथम, द्धितिय र तृतिय हुनेलाई नगद, ट्रफी, मेडल र प्रमाणपत्र, चौथो र पाचौ हुने २ जनालाई नगद तथा प्रमाणपत्र र छैटौ हुने ३ जनालाई आकर्षक गिफ्ट र प्रमाणपत्र प्रदान गरिने आयोजकले जनाएको छ । सहभागि सबैलाई पुरस्कार र प्रमाणपत्र प्रदान गरिने कार्यक्रम संयोजक काजिराम अधिकारीले जानकारी दिनुभयो ।

प्रतियोगितामा गाउँपालिका भित्रका कक्षा ४ देखि कक्षा १० सम्मका बिध्यार्थीहरु सहभागी हुने छन् ।