गणित हाजिरी जवाफ प्रतियोगिता सकियो,नीलकण्ठ मावि प्रथम, न्यु किबो बोर्डिङ द्धिप्तीय,चिल्ड्रेनपार्क तृतिय

धादिङबेशी । गणित शिक्षा परिषद धादिङले आयोजना गरेको आधारभुत तह गणित हाजिरी जवाफ प्रतियोगिता सम्पन्न भएको छ ।प्रतियोगितामा नीलकण्ठ मावी प्रथम, न्यु किबो बोर्डिङ स्कुल द्धिप्तीय र चिल्ड्रेन पार्क बोर्डिङ स्कुल तृतीय हुन सफल भएको छ ।

प्रतियोगितामा प्रथम हुनेलाई नगद ४ हजार ५ सय, द्धिप्तीय हुनेलाई ३ हजार,तृतिय हुनेलाई १ हजार ५ सय र प्रमाणपत्र, मेडल, शैक्षिक सामाग्री, ट्रफी बितरण गरिएको छ ।

गणित शिक्षा परिषद धादिङका अध्यक्ष तथा न्यु किबो बोर्डिङ स्कुलका प्रीन्सिपल प्रयास रेग्मीको अध्यक्षतामा सम्पन्न भएको कार्यक्रममा शिक्षा बिकास तथा समन्वय ईकाइ प्रमुख भगवान पौडेल प्रमुख आतिथ्यता र नीलकण्ठ नगरपालिका शिक्षा, युवा तथा खेलकुद शाखाका प्रमुख प्रकाश दत्त भट्ट बिशिस्ट आतिथ्यता रहेको थियो ।

गणित शिक्षा परिषद धादिङका सचिव उत्तम भट्ट ले संचालन गर्नु भएको कार्यक्रममा गणित शिक्षा परिषद धादिङका पुर्ब अध्यक्ष तथा पुर्ब केन्द्रीय सदस्य नीलकण्ठ माबिका प्र.अ धुर्ब अधिकारी, निबर्तमान अध्यक्ष बद्री प्रसाद कोइराला लगायत आतिथ्यता रहेको थियो ।

प्रतियोगितामा क्वीज मास्टरको रुपमा गणित शिक्षा परिषद धादिङका उपाध्यक्ष चेतनारायण श्रेष्ठ र सदस्य कृष्ण बहादुर राउत रहनु भएको थियो । प्रतियोगितामा १९ वटा बिद्यालयले सहभागिता जनाएका थिए ।

प्रतियोगितामा छनौट राउन्ड, अङ्कगणित राउन्ड, क्षेत्रमिति राउन्ड, बिजगणित राउन्ड, ज्यामिती राउन्ड, पेपर फोल्डिङ राउन्ड, भिजुवल राउन्ड, आइक्यु राउन्ड र र्यापिड फाइर राउन्डहरु समावेश गरिएको थियो ।