बायुगुठीको आन्दोलन १५ दिन स¥यो,उच्च स्तरिय समितिले काम नगरे चैत्र १ देखि आधिंबेरी ल्याउने चेतावनी

धादिङबेशी । धादिङ र गोरखाका श्री ५ को बायुगुठी पिडितहरुले फागुन १५ गते देखि गर्ने भनिएको आन्दोलनको कार्यक्रम केहि समयलाई सरेको छ ।

प्रधानमन्त्री पुष्पकमल दाहाल प्रचण्ड संग धादिङ र गोरखाकाका राजनितिक दल र निर्वाचित जनप्रतिधिहरुले गरिएको डेलिकेसन भेटमा उच्च स्तरिय समिति बनाई तत्काल काम गर्ने प्रतिवद्धता ब्यक्त गरे संगै उहाँहरुकै आग्रहमा आन्दोलनको कार्यक्रम सरेको होे ।

आज जिल्ला समन्वय समितिको सभाहलमा भएको सरोकारवालाहरुको बैठकले राजनितिक दल र जनप्रतिनिधिहरुको आग्रहलाई स्वीकार गर्दै आन्दोलनका कार्यक्रम सार्न सर्घष समिति तयार भएको हो ।

उनिहरुले उच्च स्तरिय समितिले काम नगरे चैत्र १ गते देखि आन्दोलनको आधिबेरी ल्याउने संघर्ष समितिका संयोजक ईश्वरी बहादुर लम्सालले निलकण्ठ एफ.एम.लाई बताउनु भयो ।