महेन्द्र बाराहि मा.वि.मा विद्यार्थीहरुलाई ट्रयाकसुट बितरण

धादिङबेशी । महेन्द्र बाराहि माध्यमिक बिद्यालयमा अध्ययनरत विद्यार्थीहरुलाई ट्रयाकसुट बितरण गरिएको छ । बिद्यालय ब्यबस्थापन समितिका अध्यक्ष डिल बहादुर थापा मगरको सभापतित्व तथा नेत्रावती डवजोङ गाउँपालिका वडा नं ५ का वडा अध्यक्ष हरी अधिकारीको प्रमुख आतिथ्यतामा विद्यार्थीहरुलाई ट्रयाकसुट बितरण गरिएको हो ।

नर्सरी देखि कक्षा ६ सम्मका सम्पुर्ण बिद्यार्थीहरुलाई वडा नं ५ की गायिका शर्मिला तामाङले जम्मा एक लाख बार हजार बरावरको १०१ जोर ट्रयाकसुट प्रायोजन गर्नुभएको हो । कार्यक्रममा बोल्नुहुँदै प्रमुख अतिथि अधिकारीले विद्यार्थीहरुलाई ट्रयाकसुट वितरणमा आफुले पनि पहल गरिरहेको बताउनुभयो ।

कार्यक्रममा स्वागत मन्तब्य राख्दै बिद्यालयका प्रधानाध्यापक ध्रुबराज घिमिरेले बिद्यालयको शैक्षिकस्तर उकास्नमा सबै सहयोगी हातहरुको उत्तिकै महत्व रहेकोले बिद्यालयमा स्वागत गर्न पाउनु विद्यालयको गर्वको कुरा भएको बताउनु भएको छ ।

सहयोगी दाता शर्मिला तामाङले आफुले अध्ययन गर्न नपाएपनि आजका विद्यार्थीले खुसी मनले अध्ययन गर्ने वातावरण वनाउन आफुले दुखले आर्जेको धन पुन्य कर्ममा खर्च गर्न पाएकोमा धन्य भएको वताउनुभयो । साथै आगामी दिनहरुमा पनि विद्यार्थीहरुको लागि सहयोगी मनहरुसँग पहल गर्ने बताउनुभयो ।

कार्यक्रममा वडा सदस्य लगायत विद्यालय व्यवस्थापन समिति तथा शिक्षक संघका सदस्यहरुको उपस्थिति रहेको विद्यालयका शिक्षक नरेश पाण्डेयले नीलकण्ठ एफ.एम.लाई जानकारी दिनुभयो ।