ज्वालामुखी गाउँपालिकामा बहुकक्षा बहुस्तर शिक्षण पद्धती सम्बन्धी अभिमुखीकरण

धादिङबेशी । ज्वालामुखी गाउँपालिकामा बहुकक्षा बहुस्तर शिक्षण पद्धती सम्बन्धी २ दिने अभिमुखीकरण कार्यक्रम संचालन गरिएको छ ।

गाउँपालिकाको आयोजना तथा जर्मन नेपाल सहयोग संघ र विकासको लागि एकताको प्राविधिक सहयोगमा विद्यालय व्यवस्थापन समितिका अध्यक्ष, प्रधानाध्यापक तथा शिक्षकहरुका लागि बहुकक्षा बहुस्तर शिक्षण पद्धती सम्बन्धी अभिमुखीकरण कार्यक्रम संचालन गरिएको हो ।

कार्यक्रममा शिक्षा युवा तथा खेलकुद शाखा प्रमुख देवकी सिंखडाले बहु कक्षा, बहुस्तर शिक्षण पद्धतिको परिचय उदेश्य तथा महत्वको बारेमा प्रकाश पार्नुभएको थियो । अभिमुखीकरण कार्यक्रममा कक्षा कोठा व्यवस्थापन, शैक्षिक सामग्री निर्माण तथा व्यवस्थापन र ब्यबहारिक अभ्यास लगायतको विषयमा छलफल गरिएको थियो ।

कार्यक्रममा ९ वटा विद्यालयका २७ जना विद्यालय व्यवस्थापन समितिका अध्यक्ष, प्रधानाध्यपक तथा शिक्षकहरुको सहभागिता रहेको थियो ।