ज्यामरुङको बायुगुठी समस्या अझै हल भएन,कडा आन्दोलनको तयारी, फागुन १५ गते देखि अनिश्चितकालिन मालपोत तालाबन्दिको घोषणा

धादिङबेशी । धादिङको नीलकण्ठ नगरपालिका वडा न १० र ११ ज्यामरुङ तथा नेत्रावती डवजोङ गाउपालिका वडा न ५ कटुन्जेका श्री ५ को बायुगुठी पिडितहरुले समस्या समाधान नभएको भन्दै कडा आन्दोलनको तयारी गरेका छन् ।

माघ १३ गते बसको बैठक निर्णय अनुसार शनिबार बसको बैठकले आन्दोलनलाई कडा र समस्या समाधन नभएसम्मको लाई शशक्त बनाएर लैजाने निर्णय गरेका हुन् । पिडितहरुले पटक पटक राजनितिक दल, जनप्रतिनिधि र प्रधानमन्त्री ज्यू समक्ष समेत समस्या समाधानका लागी अनुरोध गर्दा आफुहरुको समस्या समाधान नभएको भन्दै निशासा ब्यक्त गरेका छन् ।

श्री ५ को बायुगुठी पिडितहरुले फागुन १५ गते देखि अनिश्चतकालिन मालोपोत कार्यालय धादिङको तालाबन्दिको घोषणा गरेका छन् । यस पटकको आन्दोलन कडा र शशक्त हुने र समस्या समाधान नहुन्जेल जारी रहने श्री ५को बायुगुठी समस्या समाधान सर्घष समितिका संयोजक ईश्वरी बहादुर लम्सालले बताउनु भयो ।