नीलकण्ठ–१४ धुँवाकोटमा ५१ जनाद्धारा रक्तदान

धादिङ, ०२ माघ ।
माघे संक्रान्ति सांस्कृतिक तथा कृषि महोत्सवको अवसरमा धुवाकोटमा ५१ जनाले रक्तदान गरेका छन् । नीलकण्ठ नगरपालिका वडा नं १४, धुवाकोटमा सम्पन्न रक्तदान कार्यक्रममा ४२ जना पुरुष र ९ जना महिला गरी ५१ जनाले रक्तदान गरेको धादिङ रेडक्रसका कोषध्यक्ष नारायण कुमार श्रेष्ठले जानकारी दिनुभयो ।

नेपाल रेडक्रस सोसाइटी धुवाकोट उप–शाखा को आयोजनामा भएको रक्तदान कार्यक्रममा प्रगतिशील महिला बचत तथा ऋण सहकारी संस्था लि, धुवाकोटमा स्वास्थ्य चौकी–२, नीलकण्ठ नगरपालिका वडा नं १४ कार्यलय, संस्कृति संरक्षण एंव पर्यटन प्रवर्धन समिति, विद्यार्थी उपकार संघ, भंगेरी युवा क्लब, कुपा युवा समाज, जनआवाज युवा क्लब को सह– आयोजक रहेको थियो भने लायन्स क्लब अफ काठमाडौ बल्ड सर्कलको सहकार्य रहेको थियो ।

बिहान ८ बजेदेखि दिउँसो ४ बजेसम्म भएकोे रक्तदान कार्यक्रममा नेपाल रेडक्रस सोसाइटी रक्त संचार सेवा केन्द्र धादिङको प्राविधि सहयोग रहेको थियो । धुँवाकोटमा पहिलो पटक हुन भएको रक्तदान कार्यक्रममा नयाँ पुस्ताका युवाहरुको पनि रक्तदानमा सहभागिता रहेको नेपाल रेडक्रस सोसाइटी धुवाकोट उप–शाखा सभापति सुमन अधिकारीले बताउनुभयो ।