ज्वालामुखी–३ मैदीमा ९२ जनाले गरे रक्तदान

धादिङ, ०२ माघ ।
धादिङको ज्वालामुखी गाउँपालिका –३ मैदीमा ९२ जनाले रक्तदान गरेका छन् । सोमबार पाँचौ खड्गदेवी साँस्कृतिक तथा कृषि महोत्सवको अवसरमा भएको रक्तदान कार्यक्रममा ६३ पुरुष र २९ जना महिला गरी ९२ जनाले रक्तदान गरेको धादिङ रेडक्रसका कोषाध्यक्ष नारायण कुमार श्रेष्ठले जानकारी दिनुभयो।

नेपाल रेडक्रस सोसाईटी मैदी उप–शाखाको आयोजनामा भएको रक्तदान कार्यक्रममा वडा नम्बर ३ को कार्यालय, खड्गदेवी युवा क्लब, मैदीकोट खड्गदेवी मन्दिर संरक्षण समिति, मैदी ग्रामिण कृषि बहुउद्धेश्यीय सहकारी संस्था लि र मैदी ग्रामिण विद्युत सहकारी संस्था लिको, श्री स्थापनापती कृषि तथा पशुपालन सहकारी संस्था लिमिटेडको सह–आयोजक, तथा लायन्स क्लब अफ काठमाण्डौं बल्ड सर्कल, लायन्स क्लब अफ काठमाण्डौं जुपिटरको सहकार्य र नेपाल रेडक्रस सोसाईटी रक्तसंचार सेवा केन्द्र धादिङको प्राविधिक सहयोग रहेको थियो ।

नेपाल रेडक्रस सोसाईटी मैदी उप–शाखा धादिङले रक्तदान कार्यक्रममा विगतका वर्षहरु देखि निरन्तरता दिदै आएको छ ।

उक्त रक्तदान कार्यक्रमको लागि संस्थागत तथा व्यक्तिगत रुपमा नगद सहयोग गर्ने संस्थाहरु :
श्री स्थानापति कृषि तथा पशुपालन सहकारी संस्था लिमिटेड – २०,०००
मैदी ग्रामीण विद्युत सहकारी संस्था लिमिटेड – ५,०००
साना किसान सहकारी संस्था लिमिटेड, ज्वालामुखी गा.पा वडा नं २, मैदी– ५,०००
दिपक श्रेष्ठ ज्वालामुखी गा.पा वडा नं ३, मैदी– ३,१००
ध्रुव कुमार श्रेष्ठ, ज्वालामुखी गा.पा वडा नं २, मैदी – ३,०००
रामकृष्ण श्रेष्ठ, ज्वालामुखी गा.पा वडा नं ३, मैदी – २,०००
ददीराम तिवारी, ज्वालामुखी गा.पा वडा नं २, मैदी– १,०००
कमला भारती, ज्वालामुखी गा.पा वडा नं २, मैदी – १,०००