यस बर्षको माघे संक्रान्तिको दिन धुवाँकोटमा ११ हल गोरु जुधाईदै

धादिङ,२९ पुस ।
माध १ गते धादिङको नीलकण्ठ नगरपालिका वडा नम्बर १४ धुवाँकोटमा १३ औँ गोरु जुधाई प्रतियोगिता तथा सांस्कृति कार्यक्रम हुने भएको छ । संस्कृति संरक्षण तथा पर्यटन प्रवद्र्धन केन्द्र धुवाँकोटको आयोजना, भगेरी युवा क्लब धुवाँकोटको सह आयोजना र नीलकण्ठ नगरपालिकाको आर्थिक सहयोगमा हुने कार्यक्रमको तयारी अन्तिम चरणमा पुगेको संस्कृति संरक्षण तथा पर्यटन प्रवद्र्धन केन्द्र धुवाँकोटका अध्यक्ष शिव कुमार श्रेष्ठले जानकारी दिनुभयो ।

यस बर्ष माघ १ गते ११ हल गोरु जुधाईते श्रेष्ठले नीलकण्ठ एफएमलाई जानकारी दिनुभयो । बिहान १० बजेदेखी सुरु हुने कार्यक्रममा स्थानीय कलाकारहरुको समेत प्रस्तुत रहनेछ ।कार्यक्रम अवलोकन गर्नको लागि आयोजकले सम्पुर्णमा हार्दिक अनुरोध गरेको छ ।