शहिद स्मृति संचार सहकारी संस्था लि.को १५ औँ वार्षिक साधारण सभा सम्पन्न, अध्यक्षमा पुन: मनराज भण्डारी चयन

धादिङबेशी । शहिद स्मृति संचार सहकारी संस्था लिमिटेडको १५ औँ वार्षिक साधारण सभा तथा पाँचौँ अधिवेशन सम्पन्न भएको छ । शनिबार नेपाल रेडक्रस सोसाइटी धादिङको सभा हलमा सम्पन्न ५ औँ अधिवेशनले मनराज भण्डारीको अध्यक्षतामा ११ सदस्यीय कार्यसमिति निर्विरोध चयन गरेको छ ।

जसको वरिष्ठ उपाध्यक्षमा सुदर्शन खतिवडा, उपाध्यक्षमा संगीता कंडेल, महासचिवमा दिपक विश्वकर्मा, कोषाध्यक्षमा गीता अधिकारी, सचिवमा अमृत तामाङ निर्विरोध चयन भएका छन् ।

त्यसैगरी सदस्यहरुमा शुक्र कुमार श्रेष्ठ, अर्जुन प्रसाद खतिवडा, रामेश्वर सिंखडा, हरि कृष्ण लम्साल र राम शरण सेन्चुरी रहेका छन् ।
त्यसैगरी पुष्प राज थपलियाको संयोजकत्वमा ३ सदस्यीय लेखा सुपरिवेक्षण समिति निर्विरोध चयन गरेको छ । जसमा चन्द्र बहादुर लम्साल र सुमन अधिकारी सदस्यमा चयन भएका छन् ।

मनराज भण्डारीको सभापतित्वमा सम्पन्न वार्षिक साधारण तथा पाँचौँ अधिवेशनमा जिल्ला समन्वय समिति धादिङका प्रमुख नवराज अधिकारीको प्रमुख आतिथ्यता रहेको थियो । कार्यक्रममा माओवादी केन्द्रका केन्द्रिय सदस्य रामबहादुर भण्डारी, शंकर अधिकारी, सल्लाहकार वेदनिधि अधिकारी, नीलकण्ठ नगरपालिकाका उप प्रमुख दिपक विश्वकर्मा र संस्थापक अध्यक्ष उत्तम कडँेलको विशेष आतिथ्यता रहेको थियो ।