धादिङ इसाइ समाजको रक्तदान कार्यक्रममा १२३ जनाद्धारा रक्तदान

धादिङ,०६ पौष ।
ख्रीष्टमसको अवसरमा धादिङ इसाइ समाजले आयोजना गरेको रक्तदान कार्यक्रममा १२३ जना रक्तदान गरेका छन् । शुक्रबार धादिङबेशी स्थित कर्भड हल परिसरमा भएको रक्तदान कार्यक्रममा ७५ जना पुरुष र ४८ जना महिला गरी १२३ जनाले रक्तदान गरेका हुन् ।

बिहान ९ बजेदेखि दिउँसो ४ बजेसम्म भएको रक्तदान कार्यक्रममा नीलकण्ठ नगर इसाई समाजको सहकार्य तथा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।

जिल्लामा रगतको चरम अभावलाई न्युनीकरण गर्नको लागी विभिन्न मेला, पर्व, उत्सव, बार्षिक साधारण सभा लगायतको भेला हुने कार्यक्रममा विभिन्न संघ संस्थाहरुले रक्तदान कार्यक्रम राखि धादिङमा रगत संकलन गरीदैँ आएको छ ।