त्रिपुरासुन्दरी गाउँपालिकामा आलु पकेट क्षेत्रका किसानहरुलाई विऊ र उपकरण सामाग्री हस्तान्तरण

धादिङबेशी । त्रिपुरासुन्दरी गाउँपालिका वडा न ३ मुलपानी स्थित ठुलोबेसीलाई आलु पकेट क्षेत्रको रुपमा विकास गराउन किसानहरुलाई विऊ र उपकरण सामाग्री हस्तान्तरण गरिएको छ ।

५० प्रतिशत अनुदानमा विऊ र उपकरणहरु सोमबार पालिका प्रमुख राजु उप्रेती र उप प्रमुख देवराज धरेलद्वारा ठुलो बेसीका किसानलाई हस्तान्तरण गरिएको हो ।
हस्तान्तरण गरिएको सामाग्रीमा ४ वटा ट्याक्टर, ३० वटा पम्प, ३५६ बोरा बीऊ रहेका छन् ।

गत आर्थिक वर्ष देखि ठुलोबेसीमा सुरुभएको उक्त कार्यक्रमका लागी संघीय सरकारले १२ लाख लगानी गरेको थियो । यो वर्ष विऊ र उपकरणमा ५० प्रतिशत अनुदानका लागि ६ लाख वजेट आएर सोहि अनुसार कार्यसम्पादन भैरहेको गाउँपालिका स्रोतले जानकारी दिएको छ ।