धादिङ अस्पताल परिसरमा ३९ जनाद्धारा रक्तदान

धादिङ,१६ मंसिर ।
लैङ्गिक हिंसा विरुद्धको १६ दिने अभियानको अवसरमा धादिङबेशीका ३९ जनाले रक्तदान गरेका छन् । शिवज्योति महिला बचत तथा ऋण सहकारी संस्थाको आयोजनामा धादिङ अस्पताल परिसरमा भएको कार्यक्रममा १३ जना महिला र २६ जना पुरुष गर ३९ जनाले रक्तदान गरेका हुन् ।

बिहान १० बजेदेखि ४ बजेसम्म भएको रक्तदान कार्यक्रममा लायन्स क्लब अफ काठमाडौँ ब्लड सर्कलको सहकार्य तथा नेपाल रेडक्रस सोसाईटी रक्तसंचार सेवा केन्द्र धादिङ प्राविधिक सहयोग रहेको थियो ।

जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरिदै आएको छ ।