भैरवी सहकारी द्धारा नेतृत्व बिकास तालिम संचालन

भैरवी वचत तथा ऋण सहकारी संस्था लिमिटेडले शेयर सदस्यहरुलाई पुर्व नेतृत्व विकास तालिम संचालन गरेको छ । संस्थाका अध्यक्ष ईश्वरकुमार श्रेष्ठको अध्यक्षतामा संचालन भएको तालिममा नेफ्सकुनका वरिष्ठ उपाध्यक्ष चन्द्रप्रसाद ढकालको प्रमुख आतिथ्यता रहेको थियो । कार्यक्रमलाई सम्बोधन गर्नुहुँदै प्रमुख अतिथि ढकालले सहकारी संचालकमा आउन चाहने व्यक्तिले आफ्नो स्वार्थ त्यागेर सामुहिक छलफल र निर्णयलाई स्वीकार गरेर सेवा भावले स्वयमं सेवा गर्नुपर्ने बताउनुभयो ।

भैरवी वचत तथा ऋण सहकारी संस्था जिल्लामा प्रतिस्ठित सक्षम सस्थाको रुपमा स्थापित भईसकेकोले संस्थालाई थप सेवामुखी वनाउन पुनर्ताजकीकरण गर्ने उद्देश्यले तालिमको आयोजना भएको उहाँले बताउनुभयो ।आगामि दिनमा बन्ने संचालक समिति पारदर्शिता शुसानलाइ ख्याल गर्ने भएकोले सस्थाको अझबढी उन्नती प्रगति हुने कुरामा आफु विश्वस्त रहेको भन्दै नेपाल वचत तथा ऋण केन्द्रिय संघ लि (नेफ्सकुन) को साधारण सभामा नेफ्सकुनको गतिविधीलाई ओैल्याउनु पर्ने बताउनुभयो । साथै अब बन्ने नयाँ संचालक समितिको अध्यक्षको दावेदार रहेको समेत घोषणा गर्नुभएको छ ।

तालिममा संस्थाका अध्यक्ष ईश्वरकुमार श्रेष्ठले संस्थाको हालसम्मको प्रगति विवरण प्रस्तुत गर्नुभएको थियो । ३६ जनाको सहभागिता रहेको तालिममा नेफ्सकुनका प्रतिनिधी सन्दिपराज ढकालले सहजीकरण गर्नु भएको थियो ।
भैरवी वचत तथा ऋण सहकारी संस्थाको मंसिर १६ गते हुने २२ ओैं साधारण सभामा नयाँ संचालक समिति चयन गर्ने कार्यक्रम रहेको छ ।संचालक समितिको उमेद्वार हुन पुर्व नेतृत्व विकास तालिम लिएका शेयर सदस्हरुले मात्र पाउने व्यवस्था रहेको छ । हालसम्म भैरवी साकोसमा २ हजार ४५६ जना शेयर सदस्य रहेका छन् ।