सल्यानटारमा भोली रक्तदान कार्यक्रम हुँदै

धादिङबेशी । सल्यानटारमा जारी प्रथम सल्यानटार कृषि प्रदर्शनी तथा ब्यापार मेलामा भोली कात्तिक २५ गते रक्तदान कार्यक्रम हुने भएको छ ।

हामी सवैको कृषि तथा बहुउदेश्यीय सहकारी संस्था लि.,लायन्स क्लव अफ काठमाण्डौ सुर्यमुखी र ब्लड सर्कलको आयोजना तथा नेपाल रेडक्रस सोसाईटी रक्त संचार केन्द्र धादिङको प्राविधिक सहयोगमा रक्तदान कार्यक्रम हुन लागेको हो ।

हाल देशै भरी भैरहेको रगतको अभावलाई न्यूनिकरण गर्न मेलाको अवसरमा रक्तदान कार्यक्रम समेत राखिएको मेला आयोजक समितिले जानकारी दिएको छ । रक्तदान कार्यक्रम बिहान १० बजे देखि ४ बजे सम्म हुँदै छ ।

त्रिपुरासुन्दरी गाउँपालिका वडा न २ सल्यानटारमा कात्तिक १७ गते देखि सुरु भएको मेला कात्तिक २७ गते सम्म संचालन हुँदै छ ।