धादिङको नेत्रावतीमा जारी न्युङ्ने मौन ब्रत सकियो

नेत्रावती डवजोङ समचारदाता । धादिङको नेत्रावती डवजोङ गाउँपालिकाको बिभिन्न स्थानमा जारी न्युङ्ने मौन ब्रत सम्पन्न भएको छ । वडा न २ र ३ को बिचमा रहेको तिखाढुङ,चौतारा लगाएतको स्थानमा न्युङ्ने मौन ब्रत बसेका थिए । अकालमा ज्यान गुमाएका सम्पुर्ण प्राणीहरुको चिर शान्तिको कामना गर्दै डवजोङ बौद्ध गुम्बा लगाएतका स्थानमा ३ दिने न्युङ्ने पुजा सुरु भएको थियो ।

हरेक बर्ष पुलपाती देखि सुरु भई बिजया दशमीको दिन सकिने यस पुजा नेत्रावती डवजोङमा विगत २० बर्ष देखि हुदै आएको छ । डवजोङ बौद्ध गुम्बामा प्रमुख जंग बहादुर लामा र गुम्बा ब्यवस्थापन समितिका अध्यक्ष अमर बहादुर तामाङको नेतृत्वमा २९ जना सहभागिता मौन ब्रत भएको थियो । पुजामा केहि खान र एक अर्का संग बोल्न पनि नहुने नेत्रावती डवजोङ गाउँपालिकाबाट बिजय तामाङले बताउनु भएको छ ।