नीलकण्ठ–६ स्थित भैरवी मा.वि परिसरमा ३५ जनाले गरे रक्तदान

धादिङ,२६ असोज ।
नीलकण्ठ नगरपालिका – ६ स्थित भैरवी माध्यामिक विद्यालय परिसरमा ३५ जनाले रक्तदान गरेका छन् ।

नेपाल रेडक्रस सोसाईटी युवा रेडक्रस सर्कल भैरवी मा.विद्धारा आयोजित विजया दशमी, शुभ दिपावली, तथा छठ पर्व २०८० को शुभकामना आदान प्रदान कार्यक्रममा २० जना पुरुष र १५ जना महिलाले रक्तदान गरेका हुन् ।

रक्तदान कार्यक्रममा लायन्स क्लब अफ काठमाडौँ ब्लड सर्कलको सहकार्य तथा नेपाल रेडक्रस सोसाइटी रक्त संचार सेवा केन्द्र धादिङको प्राविधिक सहयोग रहेको थियो ।

धादिङमा अभियानकै रुपमा रक्तदान कार्यक्रम आयोजना गरिदै आएको छ। जिल्लामा रगतको चरम अभावलाई न्युनीकरण गर्नको लागी विभिन्न मेला, पर्व, उत्सव, बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ ।