धादिङको गंगाजमुना गाउँपालिकाले निशुल्क जेष्ठ नागरिक स्वास्थ्य परिक्षण गर्ने

धादिङ,११ असोज ।
गंगाजमुना गाउँपालिकाले यही असोज १७ गतेदेखि निशुल्क जेष्ठ नागरिक स्वास्थ्य परिक्षण गर्ने भएको छ । गाउँपालिकाको आर्थिक वर्ष २०८०/८१ को स्विकृत वार्षिक कार्यक्रम अनुसार निशुल्क जेष्ठ नागरिक स्वास्थ्य परिक्षण (रक्तचाप, मधुमेह) गर्ने भएको हो ।

गाउँपालिकाका अनुसार ताजिम्राङ सामुदायिक स्वास्थ्य इकाईमा असोज १७ गते, रि स्वास्थ्य चौकीमा १८ गते, चिमचोक सामुदायिक स्वास्थ्य ईकाईमा १९ गते, गुम्दी स्वास्थ्य चौकीमा २० गते, बसेरी स्वास्थ्य चौकीमा २१ गते, बुढाथुम स्वास्थ्य चौकीमा २२ गते र ग्रामिण अस्पताल फुलखर्कमा २३ गते निशुल्क जेष्ठ नागरीक स्वास्थ्य परिक्षण गरिने छ ।

असोज १७ गते देखि मेडिकल अधिकृत सहितको स्वास्थ्यकर्मीहरुबाट निशुल्क जेष्ठ नागरिक स्वास्थ्य परिक्षण गरिने गाउँपालिको जनाएको छ।