धादिङमा आज २२ जनामा डेंगु संक्रमण

धादिङ,०४ असोज ।
धादिङमा आज २२ जनामा डेंगु संक्रमण पुष्टि भएको छ । स्वास्थ्य कार्यलय धादिङका अनुसार बिहीबार नीलकण्ठ नगरपालिकाका १९ जना, सिद्धलेक, ज्वालामुखी र नेत्रावती डबजोङ गाउँपालिकाका १/१ जनामा डेंगु पुष्टि भएको हो ।

हालसम्म धादिङका १५ सय ८४ जना महिला र १४ सय ८८ जना पुरुष गरी ३ हजार ७२ जना डेंगु संक्रमित भएको स्वास्थ्य कार्यालय धादिङको तथ्याङ्कमा उल्लेख गरिएको छ । धादिङका कुल संक्रमित मध्ये नीलकण्ठ नगरपालिकामा मात्रै २५ सय ४१ ज्ना संक्रमित रहेका छन् ।

त्यसैगरी ज्वालामुखीमा १३१, सिद्धलेकमा १११, बेनीघाट रोराङमा ७६ जना, त्रिपुरासुन्दरीमा ६७, गजुरीमा ३० जना, गंगाजमुनामा २७ जना, खनियावासमा १९ जना, रुवीभ्यालीमा १८ जना , नेत्रावती डबजोङमा १७ जना, गल्छीमा ११ जना, धुनिबेशीमा १० जना र थाक्रेमा १ जना संक्रमित रहेका छन् ।