नीलकण्ठ नगरपालिका द्धारा बजार अनुगमन, निर्देशन पालना नगरिए कडा कारवाहि हुने

धादिङ । नीलकण्ठ नगरपालिकाले बजार अनुगमनलाई तिव्रता दिएको छ । चाडपर्व नजिकदै गर्दा उपभोक्ताहरुको स्वास्थ्यलाई मध्यनजर गर्दै बजार अनुगमन कार्यलाई तिव्रता दिएको हो ।

बुधबार धादिङबेशी आसपासका मासु पसलहरुको अनुगमन गरिएको छ । कार्यवहाक मेयर दिपक विश्वकर्माको नेतृत्वमा प्रमुख प्रशासकीय अधिकृत पुरुषोत्तम सुवेदी, जिल्ला प्रशासन कार्यालय,घरेलु कार्यालय,उद्योग बाणिज्य संघका प्रतिनिधिहरुको रोवहरमा बजार अनुगमन गरिएको हो । बजार अनुगमनमा मुल्य सुचि,व्यवसाय दर्ता नविकरण,इजाजत पत्र,नापतौल उपकरणको गुणस्तर,सरसफाई लगाएतका बिषयमा अवलोकन गरि आवश्यकता अनुसार सुझाव र निर्देशन दिइएको छ । बजार अनुगमनको क्रममा आज २३ वटा मासु पसल र १ वटा बधशालाको अनुगमन गरिएको थियो ।

अनुगमनको क्रममा २०७७ साल देखि व्यवसाय दर्ता नविकरण नगरेको एन्जल फेस हाउसलाई ३ दिन भित्र नविकरण गर्न पहिलो पटकलाई निर्देशन दिएको छ । अनुगमनको क्रममा यस अघि दिएको निर्देशनलाई धैरै पसलहरुले कार्यान्वयन नगरेको देखिएकोले पुन एक पटकलाई मौका दिएको र आगामी दिनमा पनि कार्यन्वयन नभएको पाईएमा कडा कारवाहि गरिने नीलकण्ठ नगरपालिकाका सुचना अधिकारी लोकनाथ उपाध्ययले बताउनु भयो ।

नीलकण्ठ नगरपालिकाले आगामी दिनमा पनि बजार अनुगमनका कार्यलाई अभियानको रुपमा निरन्तरता दिने प्रमुख प्रशासकीय अधिकृत पुरुषोत्तम सुवेदीले बताउनु भयो । उहाँले पहिलो पटकलाई कारबाहि भन्दा सचेतनामा जोड दिएको समेत बताउनु भएको छ ।

त्यसैगरी कार्यवहाक मेयर दिपक विश्वकर्माले स्थानिय सरकारको कामहरु मध्ये बजार अनुगमन कार्य पनि एक महत्वपुर्ण भएकोले उपभोक्ताको हक हितका लागी नीलकण्ठ नगरपालिका प्रतिबद्ध रहेको बताउनु भएको छ । उहाँले व्यवसायीहरुलाई चुस्त दुरुस्त सहित उपभोगजन्य सामानहरुमा गुणस्तर कायम गरि बिक्रि बितरण गर्न आग्रह समेत गर्नु भएको छ । उहाँले ब्यसायीहरुलाई अनुगमनका क्रममा दिएका सल्लाह सुझावलाई हेलचेक्राईको रुपमा नलिई पुर्ण रुपमा कार्यान्वयन गर्नुपर्ने कुरामा जोड दिनुभएको छ ।