सांकोष माविमा बिजेता विद्यार्थीलाई पुरस्कार वितरण

धादिङ,२२ भदौ
नीलकण्ठ नगरपालिका वडा नम्बर १२ मा रहेको साङ्कोष माध्यामिक विद्यालयमा विद्यालयको वार्षिक कार्यक्रम अनुसार विभिन्न प्रतियोगिताहरु संचालन गरिएको छ ।विद्यालयको बार्षिक कार्यक्रम अनुसार संचालन गरिने अतिरिक्त क्रियाकलापमा कक्षा १ देखि १२ सम्म ३ समुहमा प्रतियोगिता संचालन गरिएको हो ।

कक्षा १ देखि ३ सम्म भएको भित्री बाहिरी खेलमा कक्षा १ बाट कौशल थापा, २ बाट प्रिया पौडेल र ३ बाट देव परिवार प्रथम भएका छन् ।
कक्षा ४ र ५ मा भएको हिसाव दौड प्रतियोगितामा कक्षा ४ की चन्द्रीका गुरुङ र ५ को सुदिप गुरुङ प्रथम भएका छन् ।

त्यसैगरी कक्षा ६ देखि १२ सम्म भएको कविता लेखन र वाचन प्रतियोगितामा कक्षा १० बाट लक्ष्मी नगरकोटी प्रथम, कक्षा १० बाटै सुवेक्षा क्षेत्री द्धितिय, कक्षा ६ बाट सिरा गिदेल मग्राती र रोजिता गुरुङ तृतिय भएको विद्यालयका सुचना अधिकारी गोविन्द कोइरालाले जानकारी दिनुभयो ।
प्रतियोगितामा प्रथम, द्धितिय र तृतिय हुने विद्यार्थीहरुलाई बिद्यालयका प्रधानाध्यापक खेसर प्रसाद कार्पीले पुरस्कार वितरण गर्नुभएकोे थियो ।