धादिङका थप ३३ जनामा डेंगु

धादिङ,१५ भाद्र

धादिङका थप ३३ जनामा डेंगु संक्रमण पुष्टि भएको छ । शुक्रबार नीलकण्ठ नगरपालिकाका २७ जना, गल्छी गाउँपालिकाका ३ जना, सिद्धलेक, ज्वालामुखी र त्रिपुरासुन्दरी गाउँपालिकाका १/१ जनामा डेंगु पुष्टि भएको स्वास्थ्य कार्यालय धादिङले जनाएको ।

यो संगै धादिङमा डेंगु संक्रमित हुनेको संख्या २ हजार ५२१ पुगेको छ । जसमा १ हजार २२४ जना पुरुष र १ हजार २९७ जना महिला रहेका छन् ।
नीलकण्ठ नगरपालिकामा मात्रै अहिलेसम्म २ हजार १३० जना डेंगु संक्रमित भइसकेका छन् ।

त्यसैगरी ज्वालामुखी गाउँपालिकामा ८७ जना, बेनीघाट रोराङ ६३, सिद्धलेकमा ६६, त्रिपुरासुन्दरीमा ५१, गजुरीमा २६, गंगाजमुनामा २३, खनियाबासमा १६, रुवीभ्याली र नेत्रावती डबजोङमा १४ जना, गल्छीमा ११, धुनीबेशीमा ८ जना र थाक्रेमा १ जना संक्रमित रहेका छन् ।

११ जनाको भने अन्य जिल्लाबाट परिक्षण गरिएको स्वास्थ्य कार्यालय धादिङले जनाएको छ ।