सुन चाँदी कला व्यवसायी संघ धादिङको अध्यक्षमा पुनः गुरुङ चयन

धादिङ,१० भाद्र ।
नेपाल सुन चाँदी कला व्यवसायी संघ धादिङको अध्यक्षमा पुन ः रमेश गुरुङ चयन हुनुभएको छ । शनिबार सम्पन्न १६ औं वार्षिक साधारणसभा तथा छैटौं अधिवेशनले गुरुङको अध्यक्षतामा ११ सदस्यीय कार्यसमितति चयन भएको हो।

कार्यसमितिको उपाध्यक्षमा निर बहादुर विश्वकर्मा, सचिवमा बाबुराम रसाइली र कोषाध्यक्षमा गणेश बराइली चयन हुनुभएको छ । त्यसैगरि सदस्यहरुमा कुल बहादुर विश्वकर्मा (अनिल), अशोक सुनार, विकेन्द्र सुनार, कुलबहादुर सुनार (मनिष), सिताराम सुनार, डिलबहादुर विश्वकर्मा, जीवन सुनार चयन हुनु भएको छ ।

नयाँ कार्यसमितिको बैठकले सन्दिप बराइलीलाई सदस्यमा मनोनित गरेको छ । अध्यक्षमा पुनः निर्वाचित भएपछि गुरुङले अघिल्लो कार्यकालमा पूरा गर्न बाँकी रहेका कामलाई अघि बढाउँदै धादिङका सुन चाँदी व्यवसायिको हक हितमा काम गर्ने प्रतिवद्धता व्यक्त गर्नु भएको छ ।

सुन चाँदी कला व्यवसायी संघ धादिङको १६ औ वार्षिक साधारणसभा तथा छैटौं अधिवेशनको उद्घघाटन शनिवार केन्द्रिय कार्य समितिका अध्यक्ष घनश्याम रिजालले गर्नुभएको थियो।