बिहीबार धादिङका ५७ जनामा डेंगु संक्रमण पुष्टि

बिहीबार धादिङका थप ५७ जनामा डेंगु संक्रमण पुष्टि भएको छ । नीलकण्ठ नगरपालिकाका ४५ जना, ज्वालामुखी गाउँपालिकाका ५ जना, गंगाजमुनाका ३ जना, सिद्धलेक, नेत्रावती डबजोङ, खनियाबास र रुवी भ्याली गाउँपालिकाका १/१ जना गरी ५७ जनामा डेंगु संक्रमण पुष्टि भएको हो ।

स्वास्थ्य कार्यालय धादिङका अनुसार साउन १ देखि यता जिल्लाका ३४२ जना डेंगु संक्रमित भइसकेका छन् । जस्मा १८५ जना पुरुष र १५७ जना महिला रहेका छन् । कुल संक्रमित मध्ये ३१३ जना नीलकण्ठ नगरपालिकाका रहेका छन् ।

जिल्लाको ज्वालामुखी गाउँपालिकामा १० जना, सिद्धलेक र गंगाजमुना गाउँपालिकामा ४/४ जना, खनियावास गाउँपालिकामा ३ जना, गल्छी, त्रिपुरासुन्दरी र रुवीभ्यालीमा २ जना, बेनीघाट रोराङ र नेत्रावती डबजोङ गाउँपालिकामा १/१ जना संक्रमित भएका छन् । धुनीबेशी नगरपालिका, थाक्रे गाउँपालिका, गजुरी गाउँपालिका भने डेँगु संक्रमितको संख्या शून्य रहेको छ।