भत्ता वितरण कानुन संवत छ : नगर प्रमुख ढुंगाना

धादिङबेशी । नीलकण्ठ नगरपालिकाका प्रमुख भीम प्रसाद ढुंगानाले नगरसभाका सदस्यहरुलाई दिएको भत्ता कानुन संवत भएको बताउनु भएको छ । टोल विकास संस्था महासंघ द्धारा स्वच्छ सहर, धादिङ बासीको रहर भन्ने मुल नाराका साथ आयोजित सवलीकरण तालिममा सम्बोधन गर्दै नगर प्रमुख ढुगांनाले सो कुरा बताउनु भएको हो ।

उहाँले बागमती प्रदेश सरकारको स्थानीय सरकारको सभा सञ्चालन कार्यविधि सम्बन्धी ऐन २०७५ अनुसार नै नगर सभाका सदस्यहरुलाई भत्ता बितरण गरिएको बताउनु भएको छ । नगर अधिवेशनमा उपस्थित सभा सदस्य एवम् सहभागिहरुलाई उपस्थित भएको दिन बराबरको बैठक भत्ता र यातायात एवम् आवास खर्च बापत थप एक दिनको भत्ता दिई अन्य कुनै खर्च नबेहोर्ने नगरकार्यपालिकाको निर्णय अनुसार नै भत्ता वितरण गरिएको उहाँले बताउनु भयो ।

मुलुकमा देखिएको आर्थिक मन्दी प्रति आफुहरु सचेत रहेको भन्दै फजुल खर्च नियन्त्रण र मितब्यायीतको नीति अनूरुप नै होटलहरुमा गर्ने नगरसभालाई जिससको सभा हलमा गरिएको उहाँले बताउनु भयो । उहाँले मुलुकमा विद्यमान आर्थिक मन्दी र नीलकण्ठ नगरपालिकाको बार्षिक बजेट सिमा घटेका बेला आगामी बर्ष नगर सञ्चीत कोषबाट कुनै पनि भ्रमण खर्च र भड्कीलो कार्यक्रम नगर्ने नीति लिएको समेत बताउनु भएको छ ।

नगर प्रमुख ढुगांनाको बाईट

नीलकण्ठ नगरपालिकाले एक दिनको अधिवेशनमा २ दिनको भत्ता वितरण गरिएको भनी विभिन्न सञ्चारमाध्यमहरुमा आएको समाचार प्रति विशेष ध्यानाकर्षण भएको भन्दै प्रेस बिज्ञप्ती समेत जारी गरेको थियो । जारी बिज्ञप्तीमा वागमती प्रदेशको स्थानीय तहका पदाधिकारी तथा सदस्यको सुविधा सम्वन्धी ऐन, २०७५ को दफा ३ (क) अनुसूची १ (ख) एवम् नेपाल सरकारको भ्रमण खर्च नियमावली २०६४ को नियम ७ (१) अनुसूची–२ वमोेजिम नियमानुसारकै भत्ता उपलब्ध गराइएको उल्लेख गरिएको छ ।