मदन आश्रित भवनमा सोमबार रक्तदान कार्यक्रम सम्पन्न

धादिङ,२ जेठ

नीलकण्ठ नगरपालिका–३ धादिङबेशी स्थित मदन आश्रित भवनमा रक्तदान कार्यक्रम सम्पन्न भएको छ । राष्ट्रिय युवा संघ नेपाल जिल्ला कमिटी धादिङको ३४ औँ स्थापना दिवसको अवसरमा रक्तदान कार्यक्रम सम्पन्न भएको हो ।

बिहान १०ः ३० बजेदखि दिउँसो ४ बजेसम्म भएको रक्तदान कार्यक्रममा ५१ ज्ना पुरुष र ६ जना महिला गरी ५७ जनाले रक्तदान गरेको नेपाल रेडक्रस सोसाईटी धादिङ शाखाका कोषाध्यक्ष नारायण कुमार श्रेष्ठले जानकारी दिनुभयो ।

राष्ट्रिय युवा संघ नेपाल जिल्ला कमिटि धादिङको आयोजनामा भएको रक्तदान कार्यक्रममा नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोग रहेको थियो ।