चिल्ड्रेनपार्क आवासीय माविको सिपी दपर्ण,विद्यालय गाना सहित पुरस्कार वितरण कार्यक्रम सम्पन्न

धादिङ,३१ बैशाख
चिल्ड्रेनपार्क आवासीय माध्यमिक विद्यालयको विद्यालय गाना,सिपी दपर्ण तथा पुरस्कार वितरण कार्यक्रम शनिवार सम्पन्न भएको छ। शनिवार एक कार्यक्रमकाबिच विद्यायलको आफ्नै गाना,विद्यालयको गतिविधि समेटिएर प्रकाशित गरिएको सिपी दपर्ण लगायत पुरस्कार वितरण कार्यक्रम सम्पन्न भएको हो ।

विद्यालय व्यवस्थापन समितिका अध्यक्ष विनोदमान श्रेष्ठको अध्यक्षतामा सम्पन्न भएको कार्यक्रममा सहायक प्रमुख जिल्ला अधिकारी हरि प्रसाद अधिकारीको प्रमुख आतिथ्यता रहेको थियो । कार्यक्रममा शिक्षा विकास तथा समन्वय ईकाका निमित्त प्रमुख कृष्ण कुमार श्रेष्ठ, नेपाल रेडक्रस सोसाईटी जिल्ला शाखाका सभापति दुर्लभ कुमार तामाङ,साहित्यकार तथा नीलकण्ठ क्याम्पसका उप प्रध्यापक डा.नविन बन्धु पहाडी,लगायतको आतिथ्यता रहेको थियो ।

कार्यक्रममा साहित्यकार तथा मदन पुरस्कार बिजेता डा. नवराज लम्सालले रचना गर्नुभएको र संगितकार लालकाजी श्रेष्ठले संगित भर्नुभएको विद्यालयको आफ्नै गानाको विमोचन गरिएको छ ।यसैगरी कार्यक्रमकै अवसर पारेर विद्यालयले प्रकाशित गरेको सिपी दर्पणको पनि कार्यक्रमका सभापति तथा प्रमुख अतिथीले विमोचन गर्नुभएको छ । सोहि अवसरमा सिपी दपर्ण प्रकाशित गर्नको लागि महत्वपुर्ण भुमिका निभाउनुहुने विद्यालयका संयोजक शशी अर्याल र विद्यालयको गानाको लागि संगित भर्नुहुने लालकाजी श्रेष्ठलाई सम्मान गरिएको थियो।

कार्यक्रममा नर्सरी देखी कक्षा ९ सम्ममा उत्कृष्ट अंक ल्याउनुहुने र जिपिए फोर ल्याउनुहुने विद्यार्थीहरुलाई पुरस्कार वितरण गरीएको छ । कार्यक्रममा प्री पाईमरी उत्र्तिण गर्नुहुने विद्यार्थीहरुलाई दिक्षान्त समारोह गरिएको थियो ।कार्यक्रममा शुभकामना मन्तव्य राख्नुहुदै अतिथीहरुले चिल्ड्रेनपार्क आवासीय माविले शैक्षिक क्षेत्रमा महत्वपुर्ण भुमिका खेलेको बताउनु भएको थियो । अभिभावकहरुको विश्वास जित्न सफल भएको भन्दै उहाँले सिपीले जिल्लामा आफ्नै पहिचान बनाउन सफल भएकोभन्दै बधाई दिनुभएको थियो ।कार्यक्रममा विद्यार्थी भाईबहिनीहरुले विभिन्न प्रस्तुतीहरु प्रस्तुत गर्नुभएको थियो ।