गजुरी गाउँपालिकाद्धारा निःशुल्क शववाहन सेवा सञ्चालन

धादिङ,२१ बैशाख ।
धादिङको गजुरी गाउँपालिकाले निःशुल्क शववाहन सेवा सञ्चालनमा ल्याएको छ ।

गाउँपालिका क्षेत्र र पृथ्वी राजमार्गमा हुने दुर्घटना वा अन्य कारणले मृत्यु भएका व्यक्तिहरुको शव पोस्टमार्टम तथा अन्तिम संस्कारका लागि लैजान गाउँपालिकाले शववाहन सेवा सुरु गरेको गाउँपालिकाका अध्यक्ष गणेशलाल श्रेष्ठले बताउनुभयो ।

शववाहनमा मृतक गजुरी गाउँपालिकाको स्थानिय बासिन्दा भएमा निःशुल्क सेवा दिने र अन्यको हकमा प्रचलित जिल्ला दररेट अनुसार शुल्क लिई सेवा दिने अध्यक्ष श्रेष्ठले बताउनुभयो ।

नागरीकहरुको समस्यालाई मध्येनजर गर्दै सेवा संचालन गरिएकोले शववहानको आवश्यक परेमा गाउँपालिकामा सम्पर्क गर्न उहाँले आग्रह गर्नुभएको छ ।