नेपाल विद्यार्थी संघको ५४ औं स्थापना दिवस : विद्यार्थीहरुले मसाल लिएर नारा जुलुस मात्र होइन कलम चलाएर अधि बढ्नुपर्ने

धादिङ,०६ बैशाख
नेपाल विद्यार्थी संघको ५४ औं स्थापना दिवसको अवसरमा नव वर्ष २०८० सालको शुभकामना आदान, प्रदान तथा सम्मान कार्याक्रम सम्पन्न भएको छ । नेपाल विद्याथी संघ नीलकण्ठ बहुमुखी क्याम्पस इकाई धादिङको आयोजनामा निलकण्ठ बहुमुखी क्याम्पसमा कार्यक्रम सम्पन्न भएको हो ।

कार्यक्रममा २०८० सालको शुभकामना आदन, प्रदान तथा नीलकण्ठ बहुमुखी क्याम्पसको स्वतन्त्र विद्यार्थी युनियनको नव निर्वाचित पदाधिकारीहरुलाई ने.बि.संघले सम्मान गरेको थियो । त्यसैगरी नीलकण्ठ बहुमुखी क्याम्पसको स्वतन्त्र विद्यार्थी युनियनका पुर्व अध्यक्ष सरोज पाण्डे र उपाध्यक्ष महेन्द्र तामाङले नव निर्वाचित स्वीयुका पदाधिकारीहरुलाई पद हस्तान्तरण शुभकामना तथा सम्मान गर्नु भएको थियो ।

शुभकामना आदान, प्रदान तथा सम्मान कार्याक्रममा बोल्नुहुँदै बागमती प्रदेश सभा सांसद गोविन्द लम्सालले नेपाल विद्यार्थी संघले नेपालको राजनितिमा महत्वपुर्ण योगदान दिएको बताउनुभयो । राजनितिमा अगाडि बढ्नको लागि नेपाल विद्याथी संघका विद्यार्थीहरुले अध्ययनमा ध्यान दिनुपर्ने बताउनु भएको छ ।

त्यस्तै नेपाली काङग्रेस धादिङ क्षेत्र नम्बर २ का सभापति राकेश धमलाले नेपाल विद्यार्थी संघ राणा शास्नको बहुदलको अवस्थामा पनि विद्यार्थी हक हित, स्वातन्त्र तथा लोकतन्त्रको लागि आफ्नो इतिहास रच्दै ने.वि.संघको स्थापना भएको आजको दिनलाई सबैले सम्झन पर्ने बताउनुभयो ।
लोकतन्त्रमा धेरै विकृति बढ्दै गएकोले आगामी दिनमा नेपाल विद्यार्थी संघसँग आवद्ध भएका विद्यार्थीहरुले मसाल लिएर नारा जुलुस मात्र होइन कलमलाई चलाएर अधि बढ्नु पर्ने आजको अवश्यकता रहेको धमलाले बताउनु भयो ।

नेपाल विद्यार्थी संघ नेपालको अग्रणि संघ रहेको र नीलकण्ठ क्याम्पसमा नेपाल विद्यार्थी संघ अत्यन्तै गरव गर्ने लायकको रहेको पनि उहाँले बताउनु भयो । धमलाले नेपाल विद्यार्थी संघमा आवद्ध भएका विद्यार्थीहरु भोलिको हाम्रो मात्र नेता होइन देशको एउटा नेतृत्वदायी भुमिकामा पुग्न सक्ने क्षमता राख्नुपर्ने बताउनुभएको छ ।

नेपाल विद्याथी संघ नीलकण्ठ बहुमुखी क्याम्पस इकाई धादिङका अध्यक्ष विकास गरंजाको अध्यक्षतामा सम्पन्न भएको कार्यक्रममा बागमती प्रदेश सभा सांसद शिवराज अधिकारीको प्रमुख आतिथ्य रहेको थियो भने बागमती प्रदेश सभा सांसद गोविन्द लम्सालको विषेश आतिथ्य रहेको थियो।
कार्यक्रममा नेपाली काङगे्रस धादिङ क्षेत्र नम्बर २ का सभापति राकेश धमला, सहसचिव नमराज तिमल्सिना,महाधिवेशन प्रतिनिधि ईश्वर अधिकारी, तरुण दलका अध्यक्ष गोपाल विश्कर्मा, ने.वि.संघ र स्वीयुका विद्यार्थी नेता लगायत नेपाली काङग्रेस धादिङका नेताहरुको उपस्थिति रहेको थियो ।