जिल्ला सामुदायिक आँखा केन्द्र धादिङमा ५२ जनाको आँखा अप्रेसन

धादिङ,२६ चैत्र ।
जिल्ला सामुदायिक आँखा केन्द्र धादिङमा ५२ जनाको आँखा अप्रेसन गरिएको छ । जिल्ला सामुदायिक आँखा केन्द्र धादिङ र तिलगंगा आँखा प्रतिष्ठान काठमाडौको आयोजनामा शनिबार २३ जना र आईतबार २५ जनाको अपे्रसन गरिएको जिल्ला सामुदायिक आँखा केन्द्र धादिङका प्रमुख राम सिं तामाङले जानकारी दिनुभयो ।

५२ जना मध्ये ४८ जनाको मोतियाविन्दु र ४ जना मासु पलाएका बिरामीहरुको आँखा अप्रेशन गरिएको तामाङले बताउनुभयो ।

जिल्ला सामुदायिक आँखा केन्द्र धादिङमा अप्रेसनका लागि नाम टिपाएका बिरामीहरु र मुरलीभन्ज्याङको रामकोट सामुदायिक स्वास्थ्य इकाई, खाल्टे स्वास्थ्य चौकी, रीगाउँको तावल सामुदायिक स्वास्थ्य इकाई, सुनौला बजार स्वास्थ्य चौकी र नीलकण्ठ नगरपालिकाको वडा नं १० को कार्यालय भारमाले ज्यामरुङमा संचालन भएको आँखा शिविरमा छानिएका बिरामीहरुको आँखा अप्रेसन गरिएको हो ।